İspaniyanın “Barselona” futbol klubu baş məşqçisi Ronald Kumanı istefaya göndərib.

Kataloniya təmsilçisindən verilən məlumata görə, qərar klubun ötən gün İspaniya La Liqasında “Rayo Valekano” komandasına səfərdə 0:1 hesabı ilə uduzmasından sonra verilib.

Qeyd edək ki, Ronald Kuman 19 avqust 2020-ci ildən “Barselona”ya rəhbərlik etməyə başlayıb. Komanda İspaniya çempionatının cari mövsümündə 10 matçdan sonra 15 xal toplayaraq turnir cədvəlinin 9-cu pilləsində qərarlaşıb.