Portuqaliyalı futbolçu Kristiano Ronaldo İngiltərənin “Mançester Yunayted” klubunun heyətində 12 ildən sonra ilk rəsmi oyununa çıxıb.

GAZETTE xəbər verir ki, 36 yaşlı hücumçu “qırmızı şeytanlar”ın İngiltərə Premyer Liqasının 3-cü turu çərçivəsində evdə “Nyukasl”ı 4:1 hesabı ilə məğlub etdiyi matçda dubla imza atıb.

“Old Trafford”da meydana start heyətində çıxan təcrübəli forvard ilk hissənin əsas vaxtına əlavə olunmuş 2-ci dəqiqədə hesabı açıb. 56-cı dəqiqədə qonaqların heyətində Xavyer Mankilyo tarazlığı bərpa etsə də, cəmi 6 dəqiqə sonra Ronaldo komandasını yenidən önə keçirib. Meydan sahiblərinin digər iki qolunu isə 80-ci dəqiqədə Bruno Fernandes, 90+2-ci dəqiqədə isə Cessi Linqard vurub.