İlqar Rəhimov: Paralimpiyaçılarmız “Tokio-2020”-yə rekord sayda iştirakçı ilə qatılacaq

“Tokio-2020” XVI Yay Paralimpiya Oyunları ilə bağlı Azərbaycan Milli Paralimpiya Komitəsinin prezidenti İlqar Rəhimov mətbuat konfransı keçirilib.

Gazette.az xəbər verir ki, İlqar Rəhimov “Tokio-2020”-də 36 idmançının 47 növdə iştirak edəcəyini vurğulayaraq komanda üzvlərinin fiziki və psixoloji cəhətdən tam hazır olduqlarını bildirib.

“Bu il təşkil olunacaq olimpiada Azərbaycan Paralimpiya hərəkatı üçün sayca 7-ci olacaq. Daha əvvəl keçirilmiş 6 Paralimpiya Oyunlarında 83 idmançımız 38 medal qazanıb (9 qızıl, 18 gümüş, 11 bürünc), 7 paralimpiya çempionuzmuz var, onlardan 2-si ikiqat paralimpiya çempionudur. Ən uğurlu iştirakımız isə “London”2012” Yay Paralimpiya Oyunları olub, orada biz 21 idmançı ilə 4 qızıl, 5 gümüş və 3 bürünc medal qazanmışdıq. Çalışmalıyıq ki, Tokioda ən azından bu nəticəni təkrarlıyaq.

Bu il Azərbaycan Paralimpiya Oyunlarına ölkəmizin 10-a yaxın şəhər və rayonundan 24 kişi və 12 qadın olmaqla ümumilikdə 36 idmançı (7 nəfər əlil arabası istifadəçisi) ilə qatılacaq və bu Azərbaycan Paralimpiya tarixində rekord göstəricidir.

Eyni zamanda onu da vurğulamaq istəyirəm ki, Uşaq Paralimpiya hərəkatının üzvləri də Tokioda ölkəmizi təmsil edəcəklər. Yetirmələrimiz Dana Şandıbina və Vəli İsrafilov üzgüçülük idman növündə millimizin şərəfini qoruyacaqlar. Ən gənc idmançımızın 17 (Dana Şandıbina), ən yaşlısının isə 59 yaşı var (Yelena Taranova – 6-cı Paralimpiya Oyunlarında iştirak edəcək).”

Daha sonra Komitə prezidenti artıq 10 avqust tarixindən etibarən milli komandanın üzvləri və nümayəndə heyəti ilə birlikdə Tokioya yola düşməyə başlayacaqlarını qeyd edib.

“Gələn həftədən etibarən idmançı və nümayəndə heyətimiz öz səfərinə başlayır. İlk olaraq üzgüçülük idman növü üzrə milli komandamız ayın 10-da Yaponiyanın Şika şəhərində keçiriləcək təlim-məşq toplantısına, ordan isə paytaxt Tokioya yollanacaqlar. Ən böyük heyətimiz isə avqustun 19-u yola düşəcək.” 

Yekunda Azərbaycan Milli Paralimpiya komandasının vahid idman formasının təqdimatı keçirilib.

İlk növbədə formalar “Tokio-2020” Yay Paralimpiya Oyunlarında iştirak edəcək idmançı və nümayəndə heyəti, daha sonra isə digər idman növləri üzrə milli komandalara veriləcək.

Qeyd edək ki, “Tokio-2020” XVI Yay Paralimpiya Oyunları avqustun 25-dən sentyabrın 6-dək keçiriləcək.

SON XƏBƏRLƏR

Milli Məclisin növbəti iclasının vaxtı və gündəliyi açıqlanıb

Bakıda avtoxuliqanlıq edən sürücü həbs olundu

Ordumuzun mayoru qəfil vəfat etdi

Milli Məclisin növbəti iclasının vaxtı və gündəliyi açıqlanıb

Jurnalistlərin öz hesablarındakı paylaşımların bəyənmə sayı da əsas götürüləcək

İlhamə Abdullayeva bu vəzifəyə təyin olunub

Paytaxtda qarlı havalara hazırlıqla bağlı müşavirələr başa çatdı

“Atlant”ın rəhbəri vəfat etdi

Prezident Vyetnamın Baş naziri ilə görüşdü

Prezident Hanoyda “İnqilab şəhidləri” abidəsini ziyarət etdi

QHT-lər üçün qrant müsabiqələri elan edildi

Hərbi vəzifəlilərlə keçirilən təlim toplanışı başlayıb

Sabah pensiyalar tam ödəniləcək

İspaniyadan gətirilən qida məhsulunda uyğunsuzluq aşkarlanıb

“Ermənistandan 200-dən çox kütləvi məzarlığın yerinin açıqlanmasını gözləyirik”

Bakıda ilk dəfə avtobuslar üçün ayrıca svetofor quraşdırılacaq

Məleykə Abbaszadə BDU-nun rektoru oldu

Elçin Babayev vəzifəsindən azad olundu

Dövlət qulluğu imtahanlarında iki fənn ləğv edilir? - Açıqlama

Gecikən qatarlara görə kompensasiya veriləcək - Rəsmi açıqlama

BÜTÜN XƏBƏRLƏR