Azərbaycanın xarici işlər naziri Ceyhun Bayramov Türkiyədə meşə yanğınlarında vəfat edənlərin ailələrinə başsağlığı verib.

Gazette.az xəbər verir ki, bunu xarici işlər naziri Ceyhun Bayramov özünün “Facebook”-dakı hesabında yazıb.

“Qardaş Türkiyədə meşə yanğınlarının davam etməsi, Antalyada 3 nəfərin (red. yanğınlar nəticəsində artıq 4 nəfər dünyasını dəyişib) həyatını itirməsi bizi çox sarsıtdı. Yanğın nəticəsində dünyasını dəyişənlərə Allahdan rəhmət diləyirik. Bu çətin günlərdə qardaş Türkiyənin yanındayıq, hər cür dəstək göstərməyə hazırıq”, – deyə Ceyhun Bayramov qeyd edib.