İsveçin məşhur "ABBA" kvartetinin üzvləri 36 ildən sonra ilk dəfə ictimaiyyət qarşısına çıxıblar. Qrup Londonda bir sıra holoqrafik şoular təqdim etmək üçün tam gücü ilə yenidən bir araya gəlib.

Gazette.az AZƏRTAC-a istinadən bildirir ki, konsertlər ABBA-nın 40 ildən sonra "Voyage" adlı ilk buraxılışına həsr olunub. "ABBA Voyage" şousu həftədə yeddi dəfə Olimpiya Parkında xüsusi olaraq tikilmiş "ABBA Arenada" nümayiş olunacaq.

Konsertlərdə kvartet üzvlərinin özləri deyil, onların rəqəmsal avatarları səhnədə çıxış edəcək. Holoqramlar 1970-ci illərdəki "ABBA" üzvlərinə bənzəyəcək. Bir saat yarım davam edəcək konsert proqramına İsveç qrupunun 22 hiti daxil ediləcək.