Azərbaycan Mərkəzi Bankı (AMB) tərəfindən ölkədəki bankların informasiya təhlükəsizliyi tədbirlərinin güclündirilməsi üzrə müvafiq qaydalar hazırlanıb.

Bunu Azərbaycan Banklar Assosiasiyasının (ABA) Prezidenti Zakir Nuriyev deyib.

Onun sözlərinə görə, bütün banklar öz daxili sistemlərini bu təhlükəsizlik tədbirləri standartlarına uyğunlaşdırılmalı və AMB-yə müvafiq hesabatlar təqdim etməlidirlər.

"Bu istiqamətdə işlər görülür. Həm bu gün, həm də 8-9 dekabrda ABA müvafiq tədbirlər keçirəcək ki, orada da müzakirə predmetlərindən biri məhz banklarda kibertəhlükəsizlik tədbirlərinin gücləndirilməsi və bu işlərin görülməsinə həsr olunacaq", - deyə Z. Nuriyev qeyd edib.