İsveç millisinin və İtaliya "Milan"ının hücumçusu Zlatan İbrahimoviç cari mövsümün sonunda futbolla vidalaşa bilər.

Gazette az "La Gazzetta dello Sport"a istinadən xəbər verir ki, 41 yaşlı forvard peşəkar karyerasını titulla başa vurmaq istəyir.

İddiaya görə, İbrahimoviç Milan şəhərinin eyniadlı təmsilçisi A Seriyasının və ya ölkə kubokunun qalibi olacağı halda bu addımı atacaq. O, hazırda komandanın ən yüksək ödənişli oyunçusudur.

Qeyd edək ki, hazırda 67 xalla turnir cədvəlinə başçılıq edən "Milan"ın İtaliya Kubokunun yarımfinal mərhələsindəki rəqibi "İnter" klubudur. Komandalar arasında ilk matçda hesab açılmayıb.