Noyabrın 2-də UEFA Çempionlar Liqasının qrup mərhələsində 4-cü tura start verilib

İlk oyun günündə E, F, G və H qruplarında görüşlər keçirilib.

E qrupunda “Barselona” (İspaniya) Kiyev “Dinamo”suna 1:0 hesabı ilə qalib gəlib. Qrupun lideri “Bavariya” (Almaniya) isə Portuqaliya təmsilçisi “Benfika”nı 5:2 hesabı ilə məğlub edərək 4 oyundan sonra maksimum nəticə ilə pley-offa vəsiqəni vaxtından əvvəl təmin edib.

F qrupunda İngiltərə təmsilçisi “Mançester Yunayted” İtaliyada “Atalanta” ilə heç-heçə edib, 2:2.  Qrupun İspaniyada keçirilən “Vilyarreal” “Yanq Boyz” (İsveçrə) matçında meydan sahibləri 2:0 hesabı ilə qalib gəlib.

G qrupunda “Volfsburq” Almaniyada “Zalsburq”a (Avstriya), “Lill” isə İspaniya səfərində “Sevilya”ya  1:2 hesabı ilə qalib gəlib.

H qrupunda “Malmö” (İsveç) İngiltərə təmsilçisi “Çelsi”yə 0:1 hesabı ilə məğlub olub.  İtaliyada son Rusiya çempionu “Zenit”i qəbul edən “Yuventus” rəqibinə 4:2 hesabı ilə qalib gəlməklə qrupda 4 oyundan 4 qələbə ilə növbəti mərhələyə yüksəlib.

Qeyd edək ki, 4-cü turun digər 8 oyunu noyabrın 3-ü keçiriləcək.