Voleybol üzrə dörd ölkənin təşkilatçılığı ilə keçirilən kişilər arasında Avropa çempionatına yekun vurulub.

Çempionatın final qarşılaşması İtaliya yığması ilə Sloveniya millisi arasında keçirilib.

Gərgin keçən və 5 set davam edən matçı İtaliya seçməsi qələbə ilə başa vurub, 3-2 (22:25; 25:20; 20:25; 25:20; 15:12).

Bu İtaliya yığmasının qitə birinciliyində əldə etdiyi ümumilikdə 7-ci, 16 il aradan sonra isə əldə etdiyi ilk çempionluğu olub. “Buzovlar ölkəsi” sonuncu dəfə Avropanın ən güclüsü ünvanına 2005-ci ildə sahib olmuşdu.

Qitə çempionatında üçüncü pilləyə Polşa millisi sahib olub. Polşalılar doğma divarlar arasında bürünc medal uğrunda görüşdə son Avropa çempionu Serbiya yığmasına 3-0 (25-22, 25-16, 25-22) hesabı ilə qalib gəlməyi bacarıblar.

Xatırladaq ki, daha öncə İtaliyanın qadınlardan ibarət voleybol yığması da Avropa çempionatının qalibi olmuşdu.