Formula 1 üzrə Dünya çempionatının 13-cü mərhələsi olan Niderland Qran-prisinin sıralanma turu keçirilib.

GAZETTE xəbər verir ki, Zandvort trasında baş tutan təsnifat mərhələsində “Red Bull” komandasının pilotu Maks Verstappen poul-pozisiyasını əldə edib. Doğma divarlar arasında 65 min azarkeş önündə yarışan Maks 1:08.885-lik nəticə ilə sezonda 7-ci, karyerası ərzində isə 10-ci poulunu qazanmış olub.

36 il sonra yenidən F1 yarışının keçirildiyi Zandvortda ikinci və üçüncü nəticələri “Mercedes” komandasının pilotları göstəriblər. Sabah keçiriləcək Qran-priyə ikinci sıradan son dünya çempionu Lyuis Həmilton, üçüncü sıradan isə Valtteri Bottas start götürəcək.