“Champions Chess Tour” onlayn şahmat turnirinin finaldan öncə sonuncu mərhələsi “Aimchess US Rapid”in 2-cü günündə daha 5 tur oynanılıb.

GAZETTE xəbər verir ki, qrosmeysterimiz Şəhriyar Məmmədyarov günün ilk qarşılaşmasında Avonder Lianqı (ABŞ) məğlub edib. Yeddinci turda ermənistanlı Levon Aronyanla heç-heçə edən şahmatçımız sonrakı qarşılaşmada niderlandlı Yorden Van Forest üzərində qələbə qazanıb. Ş.Məmmədyarov sonrakı turlarda Maqnus Karlsen və ABŞ təmsilçisi Vesli So ilə qarşılaşmalarını da heç-heçə ilə başa vurub.

Qeyd edək ki, Şəhriyar Məmmədyarov 10 turun nəticəsinə görə, 6,5 xalla 4-cü pillədədir.

Bu gün turnirdə keçiriləcək 5 görüşdən sonra pley-off mərhələsinə yüksələcək 8 zəka sahibin kimliyinə aydınlıq gələcək.