Moskvadakı hündürmərtəbəli binanın sərxoş sakini sənaye alpinistini quldurla səhv salıb kəndiri kəsməyə başlayanda az qala onü öldürürdü.

Gazette.az SHOT teleqram kanalına istinadən bildirir ki, alpinisti qışqırmağa başlayan həmkarları xilas edib.

24 yaşlı alpinist hündürmərtəbəli binanın fasadını təmir edərək səkkizinci mərtəbədə işləyib. Bu zaman pəncərədən 50 yaşlı Şura B. görünüb. O, spirtli içki qəbul edib və işçinin onu soyacağını düşünüb. Kişi kəndiri kəsməyə başlayanda alpinist damın üstünə çıxıb və oradan heç bir xəsarət almadan girişə enə bilib.

Polis əməkdaşları kişinin yanına gəldikdə, o, əlindəki bıçaqla onları qarşılayıb, həmçinin qışqırmağa, söyüş söyməyə və hədələməyə başlayıb. Bundan sonra həmin şəxsə qarşı "Öldürməklə hədələmə" və "Hakimiyyət nümayəndəsinə zor tətbiq etmə" maddələri ilə iki cinayət işi açılıb.