Banqladeşdə uşaqlar arasından yayılan qızılca epidemiyasından ölənlərin sayı 712-yə çatıb.

Ölkə.az xarici mətbuata istinadən xəbər verir ki, ümumilikdə 99 207 uşaq virusa yoluxub.

Hökumət epidemiyanı nəzarət altına almaq məqsədilə başladığı təcili peyvənd kampaniyasını davam etdirir.

Qeyd edək ki, aprelin 10-dan bəri qızılca şübhəsi ilə xəstəxanaya yerləşdirilənlərin sayı 82 min 844 nəfər olub. Onlardan 79 min 152 nəfəri müalicə olunduqdan sonra evə buraxılıb.

Banqladeş hökuməti aprelin 7-də çoxlu sayda uşağın qızılca şübhəsi ilə həyatını itirməsindən sonra ölkə üzrə təcili peyvənd kampaniyasının başlanmasına qərar vermişdi.