Fransanın Müşahidə və Xilasetmə Xidməti La-Manş boğazı vasitəsilə Britaniyaya keçməyə çalışan 43 miqrantı xilas edib.

Gazette.az “İnterfaks”a istinadən xəbər verir ki, xilas edilmiş şəxslər Bulon-sür-Mer limanına çatdırılıblar.

Məlumata görə, 2021-ci ildə üzmə vasitələri ilə La-Manşı keçməyə cəhd edən qanunsuz miqrantların sayı ikiqat artıb. Onların 28 min nəfərdən çoxu bu yolla İngiltərəyə çatmağı bacarıb.

Dəniz prefekturası məlumat verir ki, ticarət gəmilərinin ən gediş-gəlişli bölgələrindən biri olan, həmçinin ilin, təxminən, 120 günü əlverişsiz hava şəraitinin hakim olduğu La-Manş boğazı bu cür cəhdlər üçün təhlükəlidir.