Superkompüterlərdə söz sahibi olmaq istəyən şirkətlər arasında yer alan "Meta", "AI Research SuperCluster" adlı yeni superkompüterini təqdim edib.

Gazetteaz facemark.az-a istinadən bildirir ki, "Meta" (keçmiş Facebook) tərəfindən təqdim edilən "AI Research SuperCluster" superkompüterinin dünyanın 10 ən sürətli superkompüterindən biri olacağı gözlənilir.

"Meta" tərəfindən təqdim edilən məlumata görə, "AI Research SuperCluster" (RSC) şirkətə yeni və daha yaxşı süni intellekt modelləri yaratmağa, yüzlərlə fərqli dildə işləməyə, yeni artırılmış reallıq alətlərini inkişaf etdirməyə kömək edəcək.

"AI Research SuperCluster" superkompüterinin məqsədi yeni nəsil süni intellektin inkişaf etdirilməsidir.