Əfqanıstanın Kabil Beynəlxalq Hava Limanı yaxınlığında baş verən partlayışlarda və silahlı hücumlarda 100 nəfərdən çox insan dünyasını dəyişib, 1300 nəfərdən çox insan xəsarət alıb.

GAZETTE xəbər verir ki, avqustun 26-da axşam saatlarında aeroportun yaxınlığındakı, əsasən əcnəbi hərbçilərin qaldıqları oteldə və hava limanının girişinə yaxın ərazidə baş verən partlayışları İŞİD terror qruplaşması öz üzərinə götürüb.

ABŞ Prezidenti Co Bayden açıqlamasında partlayışlarda 13 ABŞ hərbçisinin həlak olduğunu, 18 hərbçinin isə yaralandığını bildirib.

Xarici KİV-in məlumatına görə, partlayışlarda dünyasını dəyişən və xəsarət alanların əksəriyyəti Əfqanıstanın “Taliban” silahlılarının əlinə keçməsindən sonra ölkədən təxliyə olunmaq üçün Həmid Qərzai adına Kabil Beynəlxalq Hava Limanına daxil olmağa çalışan yerli sakinlərdir.