“Taliban” hərəkatının siyasi lideri Molla Ədbül Qani Bəradər və digərləri bu gün və ya sabah paxtaxt Kabilə gələcəklər.

GAZETTE xəbər verir ki, Molla Ədbül Qani Bəradər və qruplaşmanın digər yüksək rütbəli şəxsləri çərşənbə axşamı Qətərdən “Taliban”ın yarandığı Əfqanıstanın Qəndəhar şəhərinə qayıdıblar.

“Taliban”ın qruplaşmasının əsasını qoyanlardan olan Bəradər həbsdən azad edildikdən sonra Qətərdə ABŞ-la sülh danışıqlarını aparırdı.

O, 2010-cu ildə Kəraçidə ABŞ-Pakistan birgə əməliyyatı nəticəsində saxlanılmışdı.

Hərəkatın nümayəndəsi “Reuters” agentliyinə deyib ki, Taliban liderləri artıq “heç bir gizlilik kölgəsi olmadan” özlərini dünyaya göstərəcəklər.

Qeyd edək ki, qruplaşma liderləri son 20 ildə kimliklərini bəlli etmir və mühacirətdə gizli həyat yaşayırdılar.