Latviyada dövlət mediasında rus dilində yayımlanan məzmunun qadağan edilməsi təklif olunub.

Bu barədə Latviyanın dövlət media qurumu LSM məlumat yayıb.

Bildirilib ki, ölkənin mədəniyyət naziri Nauris Puntulis dövlət media resurslarında rusdilli məzmunun aradan qaldırılmasının tərəfdarıdır. Nazir hesab edir ki, rus dilində kontent ölkənin media məkanından tədricən çıxarılmalıdır.

Məlumata görə, Puntulis daha əvvəl tabeliyində olan qurumlara ictimai məkanda rus dilindən istifadənin dayandırılması ilə bağlı göstəriş də verib.

Qeyd edək ki, Latviyada son illərdə dövlət idarəçiliyi, təhsil və media sahələrində latış dilinin mövqeyinin gücləndirilməsi istiqamətində bir sıra addımlar atılıb. Rusiyanın Ukraynaya qarşı müharibəsindən sonra bu proses daha da sürətlənib.(publika)