Yeni il bayramı ilə əlaqədar ardıcıl 5 gün iş olmayacaq.

Gazette.az xəbər verir ki, bu il Azərbaycanda sonuncu qeyri-iş günü 31 dekabr – Dünya Azərbaycanlılarının Həmrəyliyi Gününə təsadüf edir.

2026-cı ilin istehsalat təqviminə əsasən, 1 və 2 yanvar tarixləri Yeni il bayramı münasibətilə qeyri-iş günü hesab olunur. 3 və 4 yanvar isə şənbə və bazar günlərinə düşür.

Beləliklə, Yeni il ərəfəsində 31 dekabrdan 4 yanvaradək ölkədə ardıcıl 5 gün iş olmayacaq.