Paytaxtdakı 5 nömrəli tam orta məktəbin bir neçə sinfində koronavirusa yoluxma halı olduğuna görə həmin siniflər distant təhsilə keçib.

Bu barədə Bakı şəhəri üzrə Təhsil idarəsindən bildirilib.

Qeyd edilib ki, hazırda məktəbdə əyani təhsil davam edir.

Təhsil müəssisələrində koronavirus infeksiyasına qarşı şagirdlərin və məktəbin pedaqoji heyətinin daha etibarlı qorunması üçün sanitar-epidemioloji vəziyyətdən irəli gələn tələblərə ciddi əməl olunur və mütəmadi olaraq monitorinqlər aparılır.