Türkiyə Prezidenti Rəcəb Tayyib Ərdoğan Türkiyədə fəaliyyət göstərən 10 ölkənin səfirinin “persona non qrata” elan olunmasını istəyib.

Bu barədə Türkiyə Prezidenti Əskişəhərdə iştirak etdiyi açılış zamanı bildirib.

R.T.Ərdoğan ABŞ, Fransa, Almaniya, Hollandiya, İsveç, Norveç, Finlandiya, Danimarka, Kanada və Yeni Zelandiyanın Türkiyədəki səfirləri ilə bağlı ölkənin xarici işlər nazirinə təlimat verdiyini açıqlayıb.

Qeyd edək ki, Türkiyədə 2013-cü ildə baş verən Gəzi Parkı hadisələrinə görə və 2016-cı ilin 15 iyulunda dövlət çevrilişinə cəhddə ittiham edilərək həbs olunan iş adamı Osman Kavalanın azadlığa buraxılması üçün adları yuxarıda qeyd edilən ölkələrin Türkiyədəki səfirləri bir həftə öncə ortaq bəyanat imzalamışdılar.