IDEA İctimai Birliyi və Ekologiya və Təbii Sərvətlər Nazirliyinin birgə təşkilatçılığı ilə həyata keçirilən “Yaşıl Marafon” kampaniyası çərçivəsində ölkə ərazisinin meşə və qeyri-meşə fondu torpaqlarında ağacəkmə tədbirləri davam edir.

Ölkə üzrə 4 noyabr 2021-ci il tarixində keçirilən payız ağacəkmə tədbirləri zamanı ümumilikdə 14,6 hektar ərazidə 18 327  ədəd müxtəlif cinsli ağac əkilib, 435 kiloqram toxum səpilib. 

Belə ki,  Bakı şəhəri, Xocasən gölünün sol sahilində 700 ədəd,  Ağstafa rayonu üzrə 1 ha ərazidə 1250 ədəd ağac əkilib, Quba rayonu üzrə 1 ha ərazidə 100 kiloqram toxum səpilib, Qusar rayonu üzrə 2 ha ərazidə 2200 ədəd, Xaçmaz rayonu üzrə 0,1 ha ərazidə 44 ədəd, Siyəzən rayonu üzrə 1 ha ərazidə 1250 ədəd, Ağcabədi rayonu üzrə 2 ha ərazidə 3333 ədəd ağac əkilib, 200 kq toxum səpilib, Şəmkir rayonu  üzrə 2 ha ərazidə 3300 ədəd, Ağdaş rayonu üzrə 2 ha ərazidə 2500 ədəd, Tərtər rayonu üzrə 1 ha ərazidə 2500 ədəd ağac və 0,5 ha ərazidə 35 kiloqram toxum səpilib, Sabirabad rayonu üzrə 1 ha ərazidə 1250 ədəd ağac, Qəbələ rayonu üzrə 1 ha ərazidə 100 kiloqram palıd toxumu səpilib.

Qeyd edək ki, payız ağac əkini ilə bağlı məlumatlar mütəmadi olaraq ictimaiyyətə təqdim olunacaq.