İnsanlar gün ərzində nə qədər su içmək barədə tövsiyələrə kor-koranə əməl edirlər.

Bunu həkim və teleaparıcı Aleksandr Myasnikov “Ən vacib şey haqqında” verilişində bildirib.

O izah edib ki, bir çox məşhur insanlar bol su içməyi məsləhət görürlər, baxmayaraq ki, bu məsləhət həmişə effektli olmur.

"Sizə "su içmək lazımdır" deyirlər, onu da içirsiniz. Və sən iki litr yox, daha çox içirsən. Həm də yeyirsən, yeməyinlə demək olar ki, bir litr maye də alırsan", - həkim izah edib.

Myasnikov əlavə edib ki, insan üç litr su içərsə, onun orqanizmində duz konsentrasiyası xeyli azalacaq. Bu, kramplar, baş ağrısı və ya yorğunluq kimi xoşagəlməz simptomlara səbəb ola bilər.

Mütəxəssisin sözlərinə görə, orqanizmdə natrium çatışmazlığı bəzi hallarda hətta ölümlə nəticələnə bilər.(publika)