Oktyabrın 5-də 57 mindən çox peyvənd vurulub
Sağlamlıq
05.10.2021 / 22:57
Oktyabrın 5-də Azərbaycanda yeni növ koronavirus (COVID-19) infeksiyasına qarşı 57 min 572 doza vaksin vurulub.
Nazirlər Kabineti yanında Operativ Qərargahın məlumatına görə, onlardan 1-ci mərhələ üzrə vaksinasiyadan keçənlərin sayı 15 min 949, ikinci mərhələ üzrə peyvənd edilənlərin sayı 41 min 623 nəfər olub.
Hazırkı dövrədək ölkəmizdə vurulan vaksin dozalarının ümumi sayı 8 milyon 795 min 572-yə bərabərdir. Birinci mərhələ üzrə vaksin vurduranların sayı 4 milyon 824 min 323, ikinci mərhələ üzrə peyvənd olunanların sayı 3 milyon 971 min 249 nəfərdir.
Qeyd edək ki, Azərbaycanda vaksinasiya zamanı “CoronaVac”, “Vaxzevria”, “Sputnik V”, “Pfizer” peyvəndləri istifadə olunur.
Son xəbərlər
Ən çox oxunanlar
- Bu gün
- Bu həftə
- Bu ay