Bakı Beynəlxalq İncəsənət Festivalının təntənəli açılış mərasimi keçirilib

Bakı Beynəlxalq İncəsənət Festivalının (BIAF-2026) təntənəli açılış mərasimi keçirilib. Festivalın açılış konserti “Dmitri Şostakoviçə ithaf” adı ilə Müslüm Maqomayev adına Azərbaycan Dövlət Akademik Filarmoniyasında təşkil olunub.

Tədbirdə dirijor Dmitri Sitkovetski, pianoçu Lukas Genyuşas, truba ifaçısı Tine Tin Helset, Qara Qarayev adına Azərbaycan Dövlət Orkestri və BIAF orkestri iştirak ediblər.

Konsert proqramında Azərbaycanın və xarici ölkələrin görkəmli bəstəkarlarının əsərləri səsləndirilib.

Tanınmış skripkaçı Dmitri Sitkovetski jurnalistlərlə söhbətində BIAF-2026-da iştirak etməkdən çox məmnun olduğunu bildirib.

“Əziz bakılı dostlarım üçün əlamətdar gündür. Bu gün II Bakı Beynəlxalq İncəsənət Festivalının açılışı baş tutur. Proqrama dahi Dmitri Şostakoviçin 120 illiyinə həsr olunmuş konsertlə başlayırıq. Mən Şostakoviçin yaşadığı dövrdə Moskvada böyümüşəm. Onun Bakı ilə çox gözəl əlaqələri olub. Bu il festival çox gözəl keçəcək. Burada möhtəşəm beynəlxalq kollektivlər toplaşıblar”, – deyə o vurğulayıb.

İkinci Bakı Beynəlxalq İncəsənət Festivalı paytaxtda oktyabrın 28-dən noyabrın 8-dək keçirilir. Heydər Əliyev Fondunun və Mədəniyyət Nazirliyinin dəstəyi ilə təşkil olunan BIAF-ın proqramına konsertlər, balet və teatr tamaşaları, film nümayişləri, incəsənət xadimləri ilə görüşlər və ustad dərsləri ilə yanaşı, 20-dən çox tədbir daxildir.

Festivalda Azərbaycan, Böyük Britaniya, İsrail, Kanada, Rusiya, ABŞ, Fransa və digər ölkələrdən olan sənətçilər və yaradıcı kollektivlər iştirak edirlər. Proqramın mühüm özəlliklərindən biri xarici ifaçıların azərbaycanlı sənətçilər, ansambllar və təhsil müəssisələri ilə əməkdaşlıq etməsidir. Müasir beynəlxalq və çoxjanrlı mədəniyyət platforması olan BIAF Bakıda müxtəlif xalqların mədəniyyətlərini bir araya gətirməyi qarşısına məqsəd qoyur.

SON XƏBƏRLƏR

Milli Parkın ərazisində qanunsuz ov edən şəxs saxlanılıb

Məktəblərdə tətil bitdi, 1-ci gündən dərslər başlayır

FHN-in qurumları arasında sərbəst güləş çempionatına yekun vurulub

İlham Əliyev: Vyetnam bizim üçün dost ölkə və strateji tərəfdaşdır

Qaz limitləri sıfırlanır - Vətəndaşların nəzərinə!

Hanoyda İlham Əliyevin və Mehriban Əliyevanın şərəfinə rəsmi nahar verilib

Məleykə Abbaszadə yeni vəzifəsində ilk onu işdən çıxardı

Neftçalada YAP-ın 34-cü ildönümü münasibətilə tədbir keçirilib

BDYPİ-nin həftəsonu səfərə hazırlaşan sürücülərə müraciəti

21 Noyabr – Ümumdünya Salamlaşma Günüdür

Azərbaycan-Vyetnam sənədləri mübadilə olunub

Bakı aeroportunun tualetində 60 minlik qızıl tapıldı

İlham Əliyev gürcüstanlı həmkarına başsağlığı verib

Milli Məclisin növbəti iclasının vaxtı və gündəliyi açıqlanıb

Bakıda avtoxuliqanlıq edən sürücü həbs olundu

Ordumuzun mayoru qəfil vəfat etdi

Milli Məclisin növbəti iclasının vaxtı və gündəliyi açıqlanıb

Jurnalistlərin öz hesablarındakı paylaşımların bəyənmə sayı da əsas götürüləcək

İlhamə Abdullayeva bu vəzifəyə təyin olunub

Paytaxtda qarlı havalara hazırlıqla bağlı müşavirələr başa çatdı

BÜTÜN XƏBƏRLƏR