Azərbaycanda startaplara, kiçik və orta sahibkarlara onların biznes aktivliyinin artırılması, habelə kapital bazarının imkanlarından istifadə etməklə davamlı alternativ maliyyələşmə kanallarına əlverişli çıxış imkanlarının yaradan “Kraudfandinq haqqında” yeni qanun layihəsi hazırlanıb.

Sənəd layihəsi Milli Məcisin İqtisadi siaysət, sənaye və sahibkarlıq komitəsinin iyunun 17-də keçiriləcək iclasında müzakirəyə çıxarılacaq.

Qanun layihəsi Azərbaycanda səhm və borc əsaslı kraudfandinqin həyata keçirilməsinin hüquqi, təşkilati və iqtisadi əsaslarını, kraudfandinq platforması operatorunun fəaliyyətinə dair tələbləri, habelə onların fəaliyyəti üzərində dövlət tənzimləməsi və nəzarəti məsələlərini tənzimləyəcək.

Məqsəd iqtisadi fəaliyyət subyektlərinə, xüsusilə də startaplara, mikro, kiçik və orta sahibkarlara onların biznes aktivliyinin artırılması məqsədilə informasiya ehtiyatlarından və sistemlərindən, habelə kapital bazarının imkanlarından istifadə etməklə operativ və davamlı alternativ maliyyələşmə kanallarına əlverişli çıxış imkanlarının yaradılması və maliyyələşmədə iştirak edən investorların hüquqlarının müdafiəsini təmin etməkdir. (Olke.az)