Qarşıdan gələn bayramlarla əlaqədar Bakı, Sumqayıt şəhərləri və Abşeron rayonu üzrə mart ayının pensiyaları qrafikdən əvvəl ödənilib.

Gazette.az xəbər verir ki, bu barədə Dövlət Sosial Müdafiə Fondu məlumat yayıb.  

Bildirilib ki, Naxçıvan MR üzrə bu ayın pensiya ödənişi də qrafikdən əvvəl həyata keçirilib.

Respublikanın digər bölgələri üzrə, habelə güzəştli şərtlərlə pensiya hüququna malik şəxslərin mart ayı üzrə pensiyaları da bu ay qrafikdən əvvəl olmaqla Novruz və Ramazan bayramlarına qədərki dövrdə ödəniləcək.