Bakı üzrə 15 mediasiya təşkilatına daxil olan müraciətlərin sayı 10 197 olub.

Gazette.az xəbər verir ki, bu fikirləri Mediasiya Şurasının İdarə Heyətinin sədri Nadir Adilov deyib.

Onun sözlərinə görə, ümumilikdə mediasiya təşkilatlarına edilən müraciətlərin sayı isə 15 018 təşkil edib. Sədr bildirib ki, müraciətlərin 12 872-i ailə mübahisəsi, 1550-i kommersiya mübahisəsi və 596-sı əmək mübahisəsi ilə bağlı olub: "Mediasiya Şurasına regionlardan daxil olan müraciətlərin sayı isə 4821 olub. Ailə müraciətlərinin sayı 4238, kommersiya müraciətlərinin sayı 379, əmək müraciətlərinin sayı isə 104 təşkil edib".

N.Adilov həmçinin qeyd edib ki, bu ilin 5 ayında əldə olunan barışıq sazişlərinin sayı 568-dir. Onun sözlərinə görə, barışıqların 478-i ailə münaqişələri, 124-ü kommersiya, 101-i isə əmək münasibətləri üzrə müraciətlərdən əldə olunub.