Tərtər rayonunda qoyun otaran şəxs minaya düşüb.

Hadisə aprelin 9-da rayonun Həsənqaya kəndi ərazisində baş verib.

TƏBİB-in İctimaiyyətlə əlaqələr və tədbirlər şöbəsinə müdiri Zamirə Ədilova “Report”a bildirib ki, Goranboy rayonu Xoylu kəndi sakini 1976-cı il təvəllüdlü Həsənov Elnur Tofiq oğlu hər iki baldırın orta 1/3 hissəsinin travmatik amputasiyası ilə Bərdə Rayon Mərkəzi Xəstəxanasına gətirilib.

O qeyd edib ki, xəstə həyatı göstərişlə əməliyyata qəbul olunub.

Baş Prokurorluğun Mətbuat Xidmətindən "Report" bildirilib ki, Həsənqaya kəndi ərazisində kənd təsərrüfatı fəaliyyəti ilə məşğul olan E.Həsənov piyada əleyhinə mina partlaması nəticəsində ağır dərəcəli bədən xəsarətləri alıb.

Faktla bağlı Tərtər Rayon Prokurorluğunda araşdırma aparılır.