Avropada təbii qazın qiyməti mənfi dinamika nümayiş etdirərək, min kubmetr üçün 1 200 ABŞ dollarından aşağı düşüb.

Gazette az  Londonun ICE birjasına istinadən xəbər verir ki, Avropanın ən likvid habı olan TTF-də (Niderland) qazın may fyuçerslərinin qiyməti dünənki göstəricilərlə müqayisədə 1,5% düşərək, günə 1 194,3 ABŞ dolları ilə başlayıb.

Xatırladaq ki, Rusiyanın Ukraynada həyata keçirdiyi hərbi əməliyyatlar fonunda Avropada qazın qiyməti son günlərdə güclü volatillik nümayiş etdirir.

Rusiyanın enerji resurslarının ixracına qadağanın tətbiq edilməsi ilə bağlı narahatlıqlar fonunda martın əvvəllərində 3 900 ABŞ dollarına çatmış təbii qaz qiymətləri martın 21-i 1 100 ABŞ dollarınadək düşüb.