"Son 30 il ərzində Birləşmiş Millətlər Təşkilatı (BMT) və Azərbaycan arasında tərəfdaşlıq fəal inkişaf edib".

Gazette Az xəbər verir ki, bu barədə Bakıda Azərbaycan və Birləşmiş Millətlər Təşkilatı (BMT) arasında əməkdaşlığın 30 illiyinə həsr olunmuş fotosərginin açılış mərasimində iştirak edən BMT-nin Azərbaycandakı rezident-koordinatoru Vladanka Andreyeva bildirib.

O, bir il əvvəl dörd prioritet sahəni əhatə edən “2021 - 2025-ci illər üçün BMT ilə Azərbaycan arasında davamlı inkişaf sahəsində əməkdaşlığa dair Çərçivə Sənədi”nin imzalandığını xatırladıb.

Rezident-koordinator deyib ki, BMT koronavirus pandemiyasından və münaqişədən sonrakı bərpa mərhələsində Azərbaycan hökuməti ilə işləməyə davam edəcək.