Cənubi Afrikanın Yoxanesburq şəhərindən qalxan və Hollandiyanın paytaxtı Amsterdamın "Schiphol" hava limanına enən təyyarənin təkər hissəsində qaçan bir nəfər sağ tapılıb.

Gazetteaz  bildirir ki, BBC yazır ki, qaçan şəxs yük təyyarəsinin qabaq təkər hissəsində aşkarlanıb və vəziyyəti stabil olaraq xəstəxanaya yerləşdirilib. Hollandiya polisi bildirir ki, kişinin yaşı və milliyyəti hələ müəyyən edilməyib.

Məlumatlara görə, bazar günü Yoxanesburqdan "Schiphol"a uçan "Cargolux" yük reysi yalnız Keniyanın paytaxtı Nayrobidə dayanıb. Həmin şəxsin təyyarəyə Cənubi Afrikada, yoxsa Keniyada mindiyi məlum deyil.

Qeyd edək ki, Yoxanesburq şəhərindən Amsterdama uçuşlar təxminən 11 saat çəkir. Yüksək hündürlükdə havanın soyuqluğu və aşağı oksigen səbəbindən uzun məsafəyə uçuşlarda qaçanların sağ qalması qeyri-adi haldır.

milliaz