Latviyanın paytaxtı Riqa şəhərində keçirilən “Grand Swiss-2021” beynəlxalq şahmat turnirində 6-cı turun oyunları keçirilib.

Turnirdə iştirak edən təmsilçilərimizdən yalnız Aydın Süleymanlı turu qələbə ilə başa vurub. Yeniyetmə şahmatçımız misirli zəka sahibi Ədli Əhmedi məğlub edib.

Digər şahmatçılarımız Rauf Məmmədov Surya Şekhar Ganquli (Hindistan), Nicat Abasov Villaqra Cristobal Henriqez (Çili), Vasif Durarbəyli İvan Çeparinov (Bolqarıstan) ilə heç-heçə ediblər.

6 turdan sonra R.Məmmədov, N.Abasov, A.Süleymanlı hərəyə 2,5 xal qazanıblar. V.Durarbəylinin aktivində isə 2 xal var.

Qeyd edək ki, İsveçrə sistemi üzrə keçirilən və on bir turdan ibarət olan turnirə noyabrın 7-də yekun vurulacaq.