Məşhur Hollivud aktyoru Alek Bolduin “Rust” (“Pas”) filminin çəkilişləri zamanı təsadüfən tapançadan açılan atəş nəticəsində filmin operatoru 42 yaşlı Halina Hatçinsi qətlə yetirib.

ABŞ-ın Nyu-Meksiko ştatında yerləşən film setində baş verən hadisədə filmin rejissoru 48 yaşlı Coel Souza da yaralanıb. Onun vəziyyətinin kritik olduğu bildirilir.

Yerli KİV-in məlumatına görə, vestern janrında çəkilən filmdə 63 yaşlı aktyor boş mərmidən istifadə etməli olduğu halda nədənsə tapançada həqiqi mərmilər olub.

“Rust” filminin prodüseri və ssenari müəllifi özü olan Alek Bolduinə qarşı hələ ki, hər hansı ittiham irəli sürülməyib.