ABŞ-ın Sent-Luis şəhərində “Grand Chess Tour” şahmat seriyasının dördüncü mərhələsi – “Saint Louis Rapid and Blitz 2021” turnirinə yekun vurulub.

Gazette.az xəbər verir ki, Azərbaycan qrossmeysteri Şəhriyar Məmmədyarovun da qatıldığı yarış 9-u rapid, 18-i blits olmaqla ümumilikdə 27 turdan ibarət olub. 5 gün davam edən yarışda şahmatçımız rapid və blits turnirlərində ümumi nəticəyə görə, 17 xalla 6-cı yeri tutub və aktivinə 4,5 xal yazdırıb.

Qeyd edək ki, “Saint Louis Rapid and Blitz 2021” turnirin qalibi ABŞ şahmatçısı Hikaru Nakamura olub. 

Xatırladaq ki, Şəhriyar Məmmədyarov seriyanın birinci mərhələsi “Superbet Chess Classic Romania”ın qalibi olub.

“Grand Chess Tour”-un 4-cü mərhələsinin yekun turnir cədvəli.

“Grand Chess Tour”-da 4 mərhələdən sonra formalaşan turnir cədvəli.