Üzeyir Hacıbəyli adına Bakı Musiqi Akademiyasında dahi bəstəkar Üzeyir Hacıbəylinin 140 illik yubileyinə həsr olunmuş təntənəli konsert proqramı keçirildi.

Gazette.az xəbər verir ki, tədbir “Bəstəkarlıq” kafedrası və “İfaçılıq” fakültəsinin birgə təşəbbüsü ilə təşkil olunmuşdur. Konsertdə Respublika və Beynəlxalq müsabiqələr laureatları çıxış edərək klassik musiqi nümunələrini səsləndirdilər.

Səhnədə “Bəstəkarlıq” kafedrasının tələbələri - Fatimə Məmmədzadə, Arsalan Navab Moghadam, Ülvi Hüseynzadə, Vahid Rəhimov, Sevgim Musazadə, Fatimə Məmmədli, Ağabəşir Bayramzadə, “İfaçılıq” fakültəsinin tələbələri - Kənan Məmmədzadə, Ləman İsmayılova, Cəmilə Eralp, Ülviyyə Mustafazadə, Aydan Hacıəhmədova, Məhəmməd Məhəmmədov, İsmayıl Əsədbəyli, Şöhrət İsmayılov, Nərmin Quliyeva, Tuba Soleymani, Dəryanur Məmmədova, Nuray Vəkilova, Fatimə Salamova, Amin Nəbiyev, Amin Heydərov, Özcan Cabbari, Əli Hüseynli, Elvin Əliyev kimi istedadlı gəncləe çıxış etdilər.

Konsert boyunca tələbələrin ifasında səslənən musiqi nömrələri milli musiqi irsinə dərin hörmət duyğuları ilə müşayiət olundu.

Dinləyicilərin ruhunu oxşayan konsert tədbiri tamaşaçılar tərəfindən böyük maraqla qarşılandı.