İqtisadi Əməkdaşlıq və İnkişaf Təşkilatının (İƏİT) nümayəndə heyəti “Vergitutma bazasının aşınması və mənfəətin süni şəkildə köçürülməsi (BEPS) layihəsi üzrə giriş proqramı və transfer qiymətlərinin tətbiqi” mövzusunda təlimlərin keçirilməsi məqsədilə İqtisadiyyat Nazirliyi yanında Dövlət Vergi Xidmətində olub.

Tədbirin keçirilməsində məqsəd transfer qiymətləri üzrə siyasət və inzibatçılıq sahəsində Dövlət Vergi Xidməti əməkdaşlarının peşəkar potensialının gücləndirilməsi, eyni zamanda İqtisadi Əməkdaşlıq və İnkişaf Təşkilatı ilə əməkdaşlığın inkişaf etdirilməsidir. Səfər çərçivəsində Dövlət Vergi Xidmətinin Mərkəzi Aparatının, Tədris Mərkəzinin, Milli Gəlirlər Baş İdarəsinin və Bakı şəhəri Lokal Gəlirlər Baş İdarəsinin əməkdaşları üçün geniş proqramlı təlimlər keçirilib.

Səfər çərçivəsində Beynəlxalq vergitutma və vergi monitorinqi baş idarəsinin rəhbərliyi ilə qarşılıqlı maraq doğuran mövzular ətrafında fikir mübadiləsi aparılıb.