Bu ilin yanvar-avqust aylarında Gürcüstan Azərbaycanla 689,5 milyon ABŞ dolları dəyərində ticarət əməliyyatı aparıb.

Gürcüstanın Milli Statistika İdarəsinin hesabatına əsasən, bu, ötən ilin eyni dövrü ilə müqayisədə 16 % çoxdur.

Son 1 ildə Gürcüstanın Azərbaycana ixracının dəyəri 22,1 % artaraq 347 milyon dollar, Azərbaycandan idxalının dəyəri isə 4,2 % artaraq 342,4 milyon dollar təşkil edib.

Hesabat dövründə Azərbaycan Gürcüstanın ticarət dövriyyəsində 7,9 % payla qonşu ölkənin əsas ticarət tərəfdaşları arasında Türkiyə, Rusiya və Çindən sonra IV yeri tutub.

Ölkəmizin Gürcüstanın ixracında payı 13,3 % təşkil edib ki, bununla da digər əsas ixrac tərəfdaşları arasında Çin və Rusiyadan sonra III yerdə qərarlaşıb.

Azərbaycanın Gürcüstanın idxalında payı isə 5,6% olub ki, bununla da digər əsas idxal tərəfdaşları sırasında Türkiyə, Rusiya, Çin və ABŞ-dan sonra V sırada yer alıb.