5-6may Tarixlərində Azərbaycan Respublikasının Gənclər və idman Nazirliyinin, Azərbaycan Strongmen Federasiyasının dəstəyi ilə Gürcüstanda Keçirilən "Beynəlxalq Gran-pri Turniri"nə yollanan Strongmen üzrə 3 idmançımızdan 2-si yarışın qalibi olaraq qızıl medal qazanıb.Bir idmançımız isə 5-ci yerdə qərarlaşıb.

Mütləq çəkisi 80 kg olan idmançılar arasinda Fövqəladə Hallar Nazirliyinin əməkdaşı, dünya və Avropa çempionu, Azərbaycan Respublikasının beynəlxalq dərəcəli idman ustası olan Rövşən Xəlilov bütün rəqiblərindən üstün olduğunu sübut edib.

Mütləq çəkisi 105kg+olan idmaçılar arasında isə Hümbətov Aydın qızıl medala sahib olaraq çempion adını qazanıb.

Digər təmsilçimiz Nicat Hüseynov isə şəxsi çəkisi 105 kg-a qədər olan 14 Rəqib idmançı  arasında 5-ci yerdə qərarlaşıb.

Qeyd edək ki yarışda Azərbaycan, Gürcüstan, Almaniya, Estoniya, Latviya ,İran və İsraildən olan 50-dən çox idmançı iştirak edib.

Strongmen Federasiyasnın prezidenti Bəxtiyar Quliyev qeyd edib ki ,idmançılarımızı qarşıda daha mötəbər yarışlar gözləyir.