Futbol üzrə İngiltərə Premyer Liqasında XI tur davam edir.

Turun mərkəzi görüşü Mançester derbisi olub.

Prinsipial qarşılaşmada “Mançester Yunayted” “Mançester Siti”ni qəbul edib.

“Old Trafford”da keçirilən qarşılaşma “şəhərlilər”in 2:0 hesablı qələbəsi ilə başa çatıb.

Əvvəlcə Erik Beyli topu öz qapısından keçirib. Bu, qarşılaşmanın 7-ci dəqiqəsinə təsadüf edib. 45-ci dəqiqədə isə Bernardu Silva matçda yekun hesabı müəyyənləşdirib.

Bu qələbədən sonra xallarını 23-ə çatdıran “şəhərlilər” 2-ci pilləyə yüksəlib. 17 xalı olan “qırmızı şeytanlar” isə 5-ci sırada qalıb.