Serbiyanın paytaxtı Belqrad şəhərində keçirilən boks üzrə dünya çempionatında yarımfinal döyüşləri keçirilib.

71 kq çəki dərəcəsində çıxış edən boksçumuz Sərxan Əliyev ukraynalı rəqibi Yuri Zaxariyevə 0:5 hesabı ilə məğlub olaraq mundialı 3-cü pillədə başa vurub.

Yarımfinalda döyüşən Məhəmməd Abdullayev (+92 kq) də bu mərhələdə mübarizəni dayandırıb. Boksçumuz ermənistanlı rəqibinə məğlub olaraq dünya çempionatının bürünc medalı ilə kifayətlənməli olub.