Bu gün futbol üzrə Azərbaycan Premyer Liqasında VIII turun oyunlarına start veriləcək.

İki qarşılaşmanın keçiriləcəyi ilk oyun gününün açılış matçında “Sabah” və “Sumqayıt” komandaları üz-üzə gələcəklər. Hazırda paytaxt klubu bir xalla sonuncu, “gənclik şəhəri” təmsilçisi isə 8 xalla 5-cidir. İki gün öncə Ramin Quliyevi istefaya göndərən meydan sahibləri bu görüşə baş məşqçisiz çıxacaqlar.

16:00. “Sabah” – “Sumqayıt”
Hakimlər: İnqilab Məmmədov, Rahil Ramazanov, Rəhman İmami, Rauf Cabarov
Hakim-inspektor: Munis Abdullayev
AFFA nümayəndəsi: Məmmədəli Məmmədov
“Bank Respublika Arena”.

Günün növbəti oyunu “Bakcell Arena”da gerçəkləşəcək. 14 xalla 2-ci pillədə qərarlaşan “Neftçi” özündən iki xal az toplayan və 4-cü sırada yer alan “Zirə”ni qəbul edəcək. “Ağ-qaralar”ın heyətində Xorxe Korrea zədə səbəbindən meydana çıxa bilməyəcək. “Qartallar”da isə Filipe Paxtman və Georgi Stoilov analoji səbəbə görə oynamayacaq.

18:15. “Neftçi” – “Zirə”
Hakimlər: Rəvan Həmzəzadə, Namiq Hüseynov, Cəmil Quliyev, Tural Qurbanov
Hakim-inspektor: Ömər Paşayev
AFFA nümayəndəsi: Eldəniz Musayev
“Bakcell Arena”.