Son günlər sosial şəbəkələrdə və mətbuatda Somalidən Azərbaycana ət idxalı ilə bağlı məlumatlar yayılıb.

Modern.az məsələyə aydınlıq gətirmək üçün Azərbaycan Qida Təhlükəsizliyi Agentliyinə (AQTA) sorğu ünvanlayıb. 

Agentlikdən sorğumuza cavab olaraq bildirilib ki, Somalidən Azərbaycana ət idxalı ilə bağlı yayılan məlumatlar həqiqəti əks etdirmir.

Xatırladaq ki, Dövlət Statistika Komitəsinin məlumatlarına əsasən, 2025-ci ilin yanvar-oktyabr aylarında Azərbaycana Somalidən 960 min ABŞ dolları dəyərində 46,5 ton qoyun əti idxal olunduğu açıqlanmışdı.