Görüşdə Ümummilli Liderimiz Heydər Əliyevin və Azərbaycan Respublikasının müstəqilliyi, suverenliyi və ərazi bütövlüyü uğrunda qəhrəmancasına şəhid olmuş igidlərin xatirəsi dərin ehtiramla yad edilib.

Rayon İcra Hakimiyyətinin başçısı çıxışında qeyd edib ki, şəhid ailələrinin sosial müdafiəsi və onlara qayğı göstərilməsi Azərbaycan dövlətinin dəyişməz prioritetlərindən biridir. O vurğulayıb ki, Möhtərəm Cənab Prezident İlham Əliyevin və Birinci vitse-prezident Mehriban xanım Əliyevanın şəhid ailələrinə göstərdiyi yüksək diqqəti nəticəsində bu kateqoriyadan olan vətəndaşların rifahının yaxşılaşdırılması istiqamətində mühüm addımlar atılır. Şəhid ailələrinin üzvləri onlara göstərilən dövlət qayğısına görə ölkə rəhbərliyinə dərin minnətdarlıqlarını ifadə etmişlər. Görüş səmimi dialoq şəraitində keçib.