FHN Heydər Əliyev prospektində baş verən yanğınla bağlı məlumat yayıb – VİDEO
Fövqəladə Hallar Nazirliyi (FHN) paytaxtın Nizami rayonu ərazisində baş verən yanğın hadisəsi ilə bağlı məlumat yayıb.
FHN-in mətbuat xidmətindən GAZETTE-yə bildiriblər ki, avqustun 24-də saat 14:35-də nazirliyin 112 – qaynar telefon xəttinə Heydər Əliyev prospektində hasar üzlüyündə yanğın barədə məlumat verilib. Saat 14:41-də FHN Dövlət Yanğından Mühafizə Xidmətinin müvafiq qüvvələri hadisə yerinə çatıb.
Yanğınsöndürənlərin çevik və peşəkar fəaliyyəti sayəsində yanğının genişlənməsinin qarşısı alınıb. Cəmi doqquz dəqiqə sonra – saat 14:50-də məhdudlaşdırılan yanğın saat 15:00-da tam söndürülüb.
İlkin məlumata əsasən, yanğın nəticəsində hasara vurulmuş penoplast materialdan ibarət üzlük 250 kvadratmetr sahədə yanıb. Hasar üzlüyünün qalan hissəsi və yaxınlıqdakı obyektlər yanğından mühafizə edilib.
Son xəbərlər
Ən çox oxunanlar
- Bu gün
- Bu həftə
- Bu ay