Təhsil naziri Emin Əmrullayev ümumi təhsil müəssisələrinin 2021-2022-ci dərs ili üçün tədris planlarının təsdiqi haqqında əmr imzalayıb.

GAZETTE xəbər verir ki, əmrə əsasən, Azərbaycan Respublikasının tədris Azərbaycan dilində və digər dillərdə aparılan, azsaylı xalqların dilləri öyrədilən ümumi təhsil müəssisələrinin 2021-2022-ci dərs ili üçün aşağıdakı tədris planları və “Tədris planlarına dair qeydlər” təsdiq edilib:

Ümumi təhsil müəssisələrinin I-XI sinifləri üçün tədris planları (1, 2 nömrəli əlavələr);

Azsaylı xalqların dilləri öyrədilən ümumi təhsil müəssisələrinin müvafiq sinifləri üçün tədris planları (3, 4, 5, 6 nömrəli əlavələr);

Qeyd edək ki, əmrə görə, ümumi təhsil müəssisələrində dərs məşğələləri sentyabrın 15-də başlayıb iyunun 14-də başa çatcaq.

Dərs ili iki yarımilə bölünəcək:

• birinci yarımil – 15 sentyabr – 26 yanvar;
• ikinci yarımil – 1 fevral – 14 iyun.

Dərs ili ərzində aşağıdakı tətillər müəyyən ediləcək:

• 5 gün payız tətili (16-20 noyabr);
• 5 gün qış tətili (27-31 yanvar).

İbtidai siniflər üçün 5 günlük əlavə yaz tətili 1-5 may tarixlərində olacaq.

“Tədris planlarına dair qeydlər” (7 nömrəli əlavə).