Avqustun 15-də Azərbaycanda 54 min 890 nəfər yeni növ koronavirus (COVID-19) infeksiyası əleyhinə vaksinasiya olunub.

Nazirlər Kabineti yanında Operativ Qərargahdan Gazette.az-a bildirilib ki, gün ərzində birinci mərhələ üzrə vaksinasiya olunanların sayı 39 min 551, ikinci mərhələ üzrə vaksinasiya olunanların sayı 15 min 339 nəfər təşkil edib.

Azərbaycanda bu günə qədər vurulan vaksinlərin ümumi sayı 5 milyon 794 min 232, birinci mərhələ üzrə peyvənd olunanların ümumi sayı 3 milyon 419 min 938, ikinci mərhələ üzrə vaksinasiya edilənlərin sayı 2 milyon 374 min 294 nəfər təşkil edir.