Biləsuvarda avtomobildə heroin və psixotrop maddə aşkarlanıb

0
120

Biləsuvarda avtomobildə heroin və psixotrop maddə aşkarlanıb.

Gazette.az xəbər verir ki, bu barədə Daxili İşlər Nazirliyinin Mətbuat Xidmətinin Lənkəran regional qrupundan bildirilib. Xəbərə görə, Biləsuvar Rayon Polis Şöbəsinin əməkdaşlarının əldə edilmiş məlumat əsasında keçirdikləri əməliyyat-axtarış tədbirləri nəticəsində narkotiklərin qanunsuz dövriyyəsində şübhəli bilinən Masallı rayon sakini Cahid Abdullayev idarə etdiyi “VAZ 2107” markalı avtomobillə Biləsuvar rayonunun Əsgərabad kəndi ərazisində saxlanılıb.

Keçirilən baxış zamanı onun idarə etdiyi avtomobildən yarım kiloqramdan artıq heroin və 7 qrama yaxın psixotrop maddə olan metamfetamin aşkarlanaraq götürülüb. 

Faktla bağlı Biləsuvar RPŞ-də araşdırma aparılır.