Pay torpağı olanların hansı halda ünvanlı dövlət sosial yardımı ala biləcəyi məsələsinə aydınlıq gətirilib.

Gazette Az Xəzər TV-yə istinadən xəbər verir ki,  Dövlət Sosial Müdafiə Fondunun Maddi-məişət şəraitinin müayinəsi üzrə mərkəzi filialının direktoru Nicat İsmayılov bildirib ki, pay yorpağı qeydiyyatda olan şəxs torpaq mülkiyyətçisi kimi qəbul olunur və onun işləməsinə ehtiyac olmur.

Onun sözlərinə görə, pay torpağından istifadə etməyən vətəndaş bunu rəsmiləşdirməlidir ki, sosial yardım ala bilsin.

Nicat İsmayılov bildirib ki, rəsmiləşmədən sonra vətəndaşın ünvanlı sosial yardım üçün müraciəti zamanı həmin pay torpağını bəyan etməsinə ehtiyac qalmayacaq. O bildirib ki, maddi-məişət şəraitinin yoxlanılmasına ailə tərkibi, həyətyanı təsərrüfatda olan mal-qara, ev quşları və sair daxildir. Bir çox hallarda vətəndaşın mexaniki etdiyi səhvlər olur. Bu zaman vətəndaşa məlumat veririlir ki, yenidən müraciət etsin.