Dövlət Təhlükəsizliyi Xidmətinin Mərkəzləşdirilmiş İnformasiya və Rəqəmsal Analitika Sistemi yaradılacaq və bununla əlaqədar bir sıra məsələlər tənzimlənəcək.

Bununla bağlı Prezident İlham Əliyev Fərman imzalayıb.

Fərmana əsasən, yaradılacaq sistem MİRAS adlandırılacaq.

DTX MİRAS-ın formalaşdırılması, aparılması, fəaliyyətinin təşkili və inkişaf etdirilməsi, həmçinin ondan səmərəli istifadənin təmin edilməsi üçün zəruri tədbirlər görməlidir.

İlham Əliyev həmçinin Dövlət Təhlükəsizliyi Xidmətinin Mərkəzləşdirilmiş İnformasiya və Rəqəmsal Analitika Sistemi haqqında Əsasnaməni də təsdiq edib.